Стил на фотографија
Фотографијата ја прави комуникацијата на А1 привлечна и релевантна. Нашиот стил на фотографија е автентичен, природен и полн со живот. Фотографијата е јасен израз на вредностите на нашиот бренд. Таа е едноставна и блиска до купувачот.
Разликуваме четири видови на фотографии
1. Фотографии за кампања
Во А1 светот на фотографиите, улогите на луѓето, просторот и светлината се речиси подеднакво важни. Луѓето се прикажани во пространи ентериери, прекрасни пејзажи и возбудливи урбани средини.
Стилот е во согласност со А1 премиум стандардот.
Лугето во нашите фотографии не носат конфекциски артикли, туку модерна облека која е во согласност со духот на времето и соодветна за нивната фаза во животот. Премиум не подразбира скапа висока мода (Haute Couture), туку едноставно премиум квалитет. Ова важи подеднакво и за прикажување на тинејџер на скејтборд и за средовечен директор на состанок.
Боја и атмосфера на фотографија
Ние користиме впечатливи бои и играме со контрасти. Атмосферата на фотографиите го привлекува нашето внимание. Како гледачи, ја чувствуваме сезоната, времето, температурата итн. Фотографиите нè тераат да сакаме да станеме дел од композицијата.
Лугето во нашите фотографии се атрактивни и природни. Тие зрачат со оптимизам и страст за животот и имаат динамичен, модерен стил на живот.
Previous
Next
Во фокус
Фокусот на фотографијата треба да се избере внимателно. Фотографијата секогаш треба да создаде чувство на интензитет помеѓу тоа што е во фокус и околината.
Фокусот на фотографијата секогаш е насочен само кон една површина.
Младите во движење
Кажуваме реални, секојдневни приказни кои се веродостојни, но исто така динамични и возбудливи. Фокусот е на акцијата.
Стил на фотографија за младите:
- Фокусот е на поединецот или поединците
- Личноста е важна
- Плитка длабочина на поле (во и надвор од фокусот)
- Фотографирано во природна средина, не во студио
- Енергија, акција и движење
2. Фотографии од производот
Хардверот е прикажан на бела позадина. Фотографиите на мобилни телефони и смартфони се прикажани без сенки и рефлексии, освен ако производителот (на пр. Apple) не навел поинаку.
Можете да користите динамичен или статичен стил за рекламирање и за насловни страници на брошури. Препорачливо е да се користи само статичен стил за брошурите каде што се прикажуваат повеќе телефони одеднаш.
3. Хибридни фотографии
Previous
Next
Производите и хардверот исто така можат да се интегрираат во позадина со целосна фотографија, со користење на Стил 1.
Хибридните фотографии треба да ги следат општите упатства за фотографија за животен стил/за кампања, како што се плитка длабочина на поле, природно осветлување и само една површина во фокус. Овие фотографии треба да го покажат производот при користење или во рамки на композицијата во опкружувањето.
4. Илустрација
Нашиот стил на илустрација е дискретен и едноставен. Илустрациите можат да претставуваат предели, архитектура и секојдневни ситуации во апстрактна форма.
Тие ги претставуваат нашите локации во модерно и возбудливо светло. Тие ги комбинираат традицијата и модерното.
Нашите илустрации на предели создаваат локализиран елемент во А1 системот.
